meghdoot

Gahaney badlon ke paar
jahan kuch bhi drishya nahi hai
Jahan har kuch adrishya
har ghatna unhonee
Kisi be-rang se nabh mein
udtey panchchi ki tarah
mere apney hathon ki rekhaon ki tarah
main kis aur shatabdi ka
ek kahani sa lagney laga hoon.
Mere pas ek ateet hai
jo tohmara bhi hai
ek sanjha ateet
jo ab sepia ho chala hai
meri sari sambhavnayen
mera har prayas
tumhare nam se arambh ho kar
tumhare hone tak chala aata hai
aur main hoon ki
samajhne ki koshish mein aur bhi
nasamajh hota jata hoon.
mere meghdoot
kya yeh sandesh tum le ja paogey?
Jis bhi disha meing jao
tum barsatey raho mere sandesh
sambhavatah
hari bahri bhumi ke saath
mera bhagya bhi chahakney lagey.
Chalo ek bar hridyant se prayas to karey.